ചൂടും തണുപ്പും ..

കാതും കാഴ്ച്ചയും
മൂക്കും രുചിയും
മറന്നുപോയ എനിക്ക്
ചൂടും തണുപ്പുമേ അറിയാന്‍ കഴിയു എന്ന്
പലകുറി ഞാന്‍
നിന്നോട് പറഞ്ഞതാണ്..
എന്നിട്ടും നിന്‍റെ ചുടുകണ്ണീര്‍
എന്‍റെ വിരല്‍ത്തുമ്പില്‍ എത്തും മുന്‍പ്
നീ തൂവാലയെടുത്ത് തുടച്ചുകളഞ്ഞു..!
ഇപ്പോള്‍..
മൂടല്‍മഞ്ഞു മാഞ്ഞു വെയില്‍ചൂട്കയറിയ
ഈ പച്ചച്ച പകലിലും
നീയെന്തേ തണുത്തിരിക്കുന്നതെന്ന്
ഞാനിനി അത്ഭുതപ്പെടുകയല്ലാതെ എന്തു ചെയ്യാന്‍..???

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഇപ്പോഴും....

ഇമേജ്
  ഇടവഴി തിരിഞ്ഞ് മറയും മുൻപ്,   നീ എറിഞ്ഞുതന്ന കണ്ണിമാങ്ങ  പെറുക്കിയെടുത്തപ്പോഴേക്കും,  സന്ധ്യ കഴിഞ്ഞിരുന്നു..  പിന്നീട് നടന്നതത്രയും  ചീവീടിൻ്റെ കുറുകലിലൂടെയും  ഇരുട്ടുകനപ്പിച്ച  നിഴൽരൂപങ്ങളിലൂടെയും..  വീടെത്തുമ്പോൾ  പേടിപ്പിച്ച ഇരുട്ടിനെ തിരിഞ്ഞു നോക്കി   കൊഞ്ഞനം കുത്തണമെന്നു നിനച്ചു..   ഇപ്പോഴും,  ഇരുട്ടിനെ കളിയാക്കാനുള്ള  വാക്കുകൾ തിരഞ്ഞ്  ഞാൻ, ഇരുട്ടിലൂടെ നടക്കുകയാണ്,  എൻ്റെ വീട്ടിലേക്ക്!!
കൂടുതൽ‍ വായിക്കൂ

അക്ഷര ഭൂപടം

അരികു മുറിഞ്ഞ് ചോര കിനിയുന്ന അക്ഷരങ്ങൾക്ക് , കണ്ണുനീർ വാർത്തു പുതച്ചു കിടക്കാനായിരുന്നു കടലാസു തിരഞ്ഞത്.. നിലാവു മറന്നു കറുത്ത രാവായിരുന്നു.. മഴക്കു മുന്നോടിയെന്നോതി ആഞ്ഞടിച്ച തണുത്തകാറ്റ് , ഈറനണിയിച്ചതാവണം.. അക്ഷരമഷി പടർന്നു പരന്ന് കടലാസിൽ ഒരു ഭൂപടം തീർത്തു.. കണ്ണീർക്കടലുകളും ,നീലിച്ച കരകളുമുള്ള ആരും യാത്രക്കെടുക്കാത്ത പുതിയ ഭൂപടം.. രാവിലെ..,അടക്കാൻ മറന്ന  ജനൽപ്പാളിയിലൂടെ കടലാസു ഭൂപടത്തിലേക്ക്  ഒളിനോട്ടമെറിഞ്ഞ കിളികൾ തമ്മിൽ പറഞ്ഞു. ഇതിൽ കരകളിൽ നിന്ന്  കടലിലേക്കുനീളുന്ന  നീർച്ചാലുകളായിരിക്കണം നാം പാടാൻ മറന്ന ഓരോ കദനവും..
കൂടുതൽ‍ വായിക്കൂ