ഊടുവഴി…..

പിന്നിലെ കരിയിലകളിൽ
ഞാൻ കേട്ടത് നിൻ്റെ കാലൊച്ചയായിരുന്നിരിക്കണം….
തിരിഞ്ഞുനോക്കിയപ്പോൾ,
പാതിയമർന്ന കരിയിലകൾ
ഒരാലസ്യത്തിലെന്നോണം
പതുങ്ങികിടക്കുകയായിരുന്നു…..
പക്ഷേ…..
വെറും ഒരു കാലടിയുടെ ദൂരം കൂടി
താണ്ടാൻ മടിച്ച്
തിരിച്ചു നടന്നപ്പോൾ ,
നീ അറിഞ്ഞില്ലായിരിക്കണം…
എൻ്റെ മുന്നിൽ
വഴി തീരുകയായിരുന്നു…
നിന്നിലേക്കു മാത്രം
ഒരു ഊടുവഴി അവശേഷിപ്പിച്ച്…..

കാറ്റു വീശിയില്ലയെങ്കിൽ
ഒരിക്കൽ,
ഈ കരിയിലകളിൽ
നീ പകർന്ന ദീർഘ നിശ്വാസങ്ങൾ
പിന്തുടർന്ന്

ഞാൻ നിന്നിൽ എത്തുമായിരിക്കും……..

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഇപ്പോഴും....

ഇമേജ്
  ഇടവഴി തിരിഞ്ഞ് മറയും മുൻപ്,   നീ എറിഞ്ഞുതന്ന കണ്ണിമാങ്ങ  പെറുക്കിയെടുത്തപ്പോഴേക്കും,  സന്ധ്യ കഴിഞ്ഞിരുന്നു..  പിന്നീട് നടന്നതത്രയും  ചീവീടിൻ്റെ കുറുകലിലൂടെയും  ഇരുട്ടുകനപ്പിച്ച  നിഴൽരൂപങ്ങളിലൂടെയും..  വീടെത്തുമ്പോൾ  പേടിപ്പിച്ച ഇരുട്ടിനെ തിരിഞ്ഞു നോക്കി   കൊഞ്ഞനം കുത്തണമെന്നു നിനച്ചു..   ഇപ്പോഴും,  ഇരുട്ടിനെ കളിയാക്കാനുള്ള  വാക്കുകൾ തിരഞ്ഞ്  ഞാൻ, ഇരുട്ടിലൂടെ നടക്കുകയാണ്,  എൻ്റെ വീട്ടിലേക്ക്!!
കൂടുതൽ‍ വായിക്കൂ

അക്ഷര ഭൂപടം

അരികു മുറിഞ്ഞ് ചോര കിനിയുന്ന അക്ഷരങ്ങൾക്ക് , കണ്ണുനീർ വാർത്തു പുതച്ചു കിടക്കാനായിരുന്നു കടലാസു തിരഞ്ഞത്.. നിലാവു മറന്നു കറുത്ത രാവായിരുന്നു.. മഴക്കു മുന്നോടിയെന്നോതി ആഞ്ഞടിച്ച തണുത്തകാറ്റ് , ഈറനണിയിച്ചതാവണം.. അക്ഷരമഷി പടർന്നു പരന്ന് കടലാസിൽ ഒരു ഭൂപടം തീർത്തു.. കണ്ണീർക്കടലുകളും ,നീലിച്ച കരകളുമുള്ള ആരും യാത്രക്കെടുക്കാത്ത പുതിയ ഭൂപടം.. രാവിലെ..,അടക്കാൻ മറന്ന  ജനൽപ്പാളിയിലൂടെ കടലാസു ഭൂപടത്തിലേക്ക്  ഒളിനോട്ടമെറിഞ്ഞ കിളികൾ തമ്മിൽ പറഞ്ഞു. ഇതിൽ കരകളിൽ നിന്ന്  കടലിലേക്കുനീളുന്ന  നീർച്ചാലുകളായിരിക്കണം നാം പാടാൻ മറന്ന ഓരോ കദനവും..
കൂടുതൽ‍ വായിക്കൂ